CERN

CERN sī Hoat-gí Conseil Européen pour la Recherche Nucléaire ("Au-chiu He̍k-lêng Gián-kiù Hoē") ê kán-siá, 1954 nî kái chò Organisation Européenne pour la Recherche Nucléaire, m̄-koh CERN chit ê hō kàu taⁿ iáu leh ēng. CERN sī choân sè-kài siōng-toā ê lia̍p-chú bu̍t-lí si̍t-giām-sek. I khiā tī Hoat-kok kap Sūi-se ê kok-kéng. CERN hiān-chhú-sî chha-put-to ū 3000 ê oân-kang, 6500 ê kho-ha̍k-ka kap kang-têng-su (lâi-chū 500 keng tāi-ha̍k, 80 ê kok-ka). World Wide Web pún-chiâⁿ sī 1 ê CERN ê sū-kang. CERN tī 1993 nî 4-goe̍h 30 soan-pò· WWW beh hō· lâng iōng bián-chîⁿ--ê.